Francesco Davide e Otello Di Maro ci ringraziano da Lassù per averli ricordati con due sezioni del Premio Culturale Città di Calvizzano: “A’ Via De Stelle”

 Incontro Otello-Spellicchione: una bellissima lirica del poeta-scrittore Fabrizio Ciccarelli

                                  

                                        

’A Via De Stelle

Incontro di Spellicchione e Otello

 

 

Luna, luna mia
quanta vote t'aggio chiesto
senza avè risposta:
cagna sta vita mia.
Si putisse pe na vota parlà
'a st'omme sulo, miez''a via,
s'appicciasse na speranza pe restà.

Na nuvola all'intrasatte
sotto 'a luna s'appusaie,
nu vestito accumparette
comme 'a neve e luongo assaje.
Na faccella delicata
e cu nu surrise gentile
chella luna se facette.
«Siete figli di una terra che ha peccato».

«Nun ce pozzo credere, tu hai parlato?
E pecchè me parle comme si ce stesse nato?».

S'avvicinaie n'ommo cu 'a sciassa,
guardava 'a isso e 'a luna ‘ncielo
cu nu surriso 'a meza faccia, senza parlà.

«Spellicchiò!».

‘A luna dicette:

«La mamma è stata per voi sorgente di vita.
Eccola vostra madre che dal cielo vi guida.
Non avete peccato,
siete nati in un mondo che non vi ha accettato.
Sei stato abbandonato come mio figlio Gesù
e non hai avuto speranze neanche tu, Otello.
Francesco, figlio mio, anche tu hai subìto
e non importa se laggiù accettano l'invito
di scrivere il tuo nome su un muro scalfito».

 

Vicini e dduje cumpagnielli

accuminciaiene ‘a cammenà,

pe ‘a via de stelle se ne sagliettene

add’ò ‘a madunnella steve all’aspettà.

 

«Francè, ncopp ‘a terra nun conta chi è chillo e chi chiste

Si pe ‘a seconda vota scennesse Cristo

giranne senza cunfine

facesse a stessa fine».

Fabrizio Ciccarelli